Baş səhifə / Cəmiyyət / “Bir yaxınımın burada işlədiyini mənə kimsə deyə bilməz” – Kamal Abdulla

“Bir yaxınımın burada işlədiyini mənə kimsə deyə bilməz” – Kamal Abdulla

“Kimi işdən çıxarırsan deyir ki, ya intihar edəcək, ya da prezidentə məktub yazacaq”.

Moderator.az xəbər verir ki, bu sözləri Azərbaycan Dillər Universitetinin rektoru Kamal Abdulla ali məktəbdə keçirilən Mediatur çərçivəsində jurnalistlərin suallarını cavablandırarkən deyib.

O, son günlər ADU-da baş verən məsələlərə aydınlıq gətirib.

“Söhbət iki xanımdan gedir. Bunlar Elmira Baxşəliyeva və Vüsalə Ağabəylidir. Baxşəliyeva ilə bağlı məsələ məhkəmədə olduğu üçün geniş danışmaq istəmirəm. O deyir ki, haqsız olaraq vəzifəsindən kənarlaşdırılıb. Həmin şəxs başqa vəzifəyə keçirilib. Bu barədə əmr də var. Onun da səbəbi var. Bu xanım neçə illər burada işləyib, ona “gözün üstə qaşın var” deyən olmayıb. Bir ildə laborant üç dəfə məzuniyyətə göndərilib. Bu, iqtisadi və siyasi pozuntudur və birbaşa saxtakarlıqdır. Yaşı da keçib. Ali savadı yoxdur, mənə dedilər ki, masaj kursunu bitirib. O, laborantların sənədinə baxıb. Qol çəkdiyi sənəddə maaşın miqdarını göstərməyib”.

Rektor universitetdə qohumlarının işləməsi ilə bağlı ittihamlara da cavab verib:

“Bu universitetdə cəmi bir qohumum işləyir. O da professor Azad Məmmədovdur. Kafedra müdiridir, məndən əvvəl burada işləyib. İkinci bir yaxınımın burada işlədiyini mənə kimsə deyə bilməz. Nəzərinizə çatdırım ki, ADU-da 17 il işləmişəm. İlk təcrübəmi burada toplamışam və burada dostlarımın olması normaldır. Gərginliyi aradan qaldırmaq üçün tanıdığım insanlarla işləməli idim”.

K. Abdulla əlavə şöbələrin yaradılması məsələsinə də toxunub:

“Bu ittihamı irəli sürənlər cəmiyyəti çaşdırmaqdan başqa bir iş görmürlər. Yeni yaranmış şöbələrdə tədris olunan ixtisaslar xarici dili mənimsəməyə yaxşı kömək edir. Universitetdə xarici dili bilən və bilməyən tələbələr var. Mən il yarımdır ki, bu universitetin rektoruyam. İstəsəm də, tələbələrin savadsız olmasına məsul ola bilmərəm. Tələbələrə dərs deyən müəllimlər məsuliyyət daşıyır.

Universitetin baş mühasibini işdən çıxarmışam. Jurnalistika fakültəsinin dekanı Vüsalə Ağabəyliyə açıq dərslərin təşkilində buraxdığı səhvlərə görə töhmət vermişəm. Bu ittihamları niyə ona töhmət verəndən sonra qaldırır? Dedikləri böhtandır. Mən istəsəm də tələbəni zay edə bilmərəm. Çünki bir il yarım əvvəl bura təyin olunmuşam. Bir müəllim var ki tələbələri imtahanla təhdid edir. Söhbət Pərvin Mürsəlovadan gedir. Bunun səs yazısı da var. O müəllim tələbələri mitinqə və iğtişaşa təhrik edir”.

Buna da bax...

Məhəmməd Peyğəmbərin qılıncı millət vəkilinin əlində – FOTO

Bu foto BAXCP sədri, millət vəkili Qüdrət Həsənquliyevin Misirə səfəri zamanı çəkilib. Bunu BAXCP sədrinin …