Baş səhifə / Cəmiyyət / Ermənistanın yeni prezidenti ilk Qarabağ açıqlaması…

Ermənistanın yeni prezidenti ilk Qarabağ açıqlaması…

Ermənistanın yeni prezidenti Armen Sarkisyan hesab edir ki, Dağlıq Qarabağ münaqişəsinin nizamlanmasında Rusiyanın böyük rolu var.

Erməni lideri bu barədə TASS-a müsahibəsində deyib.

“Artıq 25 ildən çox bir müddətdir ki, danışıqlar ATƏT-in Minsk Qrupunun formatında həmsədrlər tərəfindən təklif edilən nizamlanma prinsipləri və elementləri əsasında aparılır.

Rusiya həmsədr dövlətlərdən biri kimi Dağlıq Qarabağ münaqişəsinin həlli prosesində əsas rol oynayır”, – Ermənistan prezidenti bildirib.

Sarkisyan qeyd edib ki, 23 il əvvəl atəşkəs rejimi barədə üçtərəfli razılıq məhz Rusiyanın vasitəçiliyi sayəsində əldə olunub:

“Biz münaqişənin sülh yolu ilə həllinə yönələn bu vasitəçilik səylərini yüksək qiymətləndiririk”.

Prezident bildirib ki, bütün regional münaqişələr son nəticədə öz həllini tapır.

“Tarix bundan da amansız və dramatik münaqişələr görüb”, – deyə o yekunlaşdırıb.(oxu.az)

Buna da bax...

İran alovlanır: “Qoşulmayanlar biqeyrətdir” – Video

Tehranın ayaqqabı bazarında avqustun 11-də başlanan kütləvi tətillər getdikcə geniş vüsət alır. Ayaqqabı istehsalı və …