Baş səhifə / Cəmiyyət / Bakıda inşa edilən yaşayış binasında baş verən yanğın söndürülüb – YENİLƏNİB

Bakıda inşa edilən yaşayış binasında baş verən yanğın söndürülüb – YENİLƏNİB

Bakıda tikilməkdə olan çoxmərtəbəli yaşayış binasında baş verən yanğın tam lokallaşdırılıb.

Hadisə yerində yaradılan operativ qərargahdan APA-ya verilən xəbərə görə, inşa edilən binanın ümumi sahəsi 800 kv.m. olan yuxarı mərtəbəsində baş verən yanğın 600 kv.m. sahəni əhatə edib. Yanğın nəticədə tikintidə istifadə olunan taxta konstruksiyalar (opalubka) yanıb. Mərtəbənin qalan hissəsini yanğından mühafizə olunub.

Yanğının söndürülməsinə 4 yanğınsöndürən briqadası cəlb edilib.

Hadisə zamanı xəsarət və ya tüstüdən zəhərlənmə halı qeydə alınmayıb.

Yanğının fəsadların tam aradan qaldırılması istiqamətində tədbirlər davam etdirilir.

*****

Fövqəladə Hallar Nazirliyi Bakıda tikilməkdə olan hündürmərtəbəli binada baş vermiş yanğınla bağlı məlumat yayıb.

APA-nın xəbərinə görə, bildirilir ki, yanğın binanın yuxarı mərtəbəsində baş verib.

Hazırda Fövqəladə Hallar Nazirliyinin Dövlət Yanğından Mühafizə Xidmətinin yanğın bölmələri hadisə yerindədir. Yanğınsöndürmə işləri barədə əlavə məlumat veriləcək.

***

Bakıda tikilməkdə olan hündürmərtəbəli yaşayış binası yanır.

APA-nın məlumatına görə, bu barədə sosial şəbəkədə xəbər yayılıb.

Görüntülərdə binada yaşayışın olmadığı görünür. Bina “Bolluq bazarı”nın yaxınlığında yerləşir.

Hadisə yerinə yanğınsöndürənlər briqadası cəlb olunub. Yanğının söndürülməsi üçün iş görülür.

Buna da bax...

“Azərbaycan” sözünə görə 10 övlad dünyaya gətirdilər – VİDEO

Bərdənin Yenidaşkənd kəndində yaşayan Qurbanovlar ailəsinin 10-cu övladı dünyaya gəlib. Uşaqların sayının 10-a çatdırılmasının isə …