Baş səhifə / Cəmiyyət / Əbülfəz Elçibəyin anadan olmasından 80 il ötür

Əbülfəz Elçibəyin anadan olmasından 80 il ötür

Bu gün Azərbaycan milli azadlıq hərəkatının lideri Əbülfəz Elçibəyin doğum günündür.

Moderator.az xəbər verir ki, Ə.Elçibəy 1938-ci il iyunun 24-də Ordubad rayonunun Kələki kəndində anadan olub. 1957-ci ildə Azərbaycan Dövlət Universitetinin şərqşünaslıq fakültəsinə daxil olub.

O, 1988-ci ildə Azərbaycanda başlayan xalq hərəkatının öndərlərindən, Azərbaycan Xalq Cəbhəsini yaradanlardan biri və onun rəhbəri olub.

1992-ci ildə prezident seçilən Əbülfəz Elçibəy bir il sonra Gəncədə başlayan qiyam nəticəsində Bakını tərk edərək Kələkiyə gedib. Milli Məclisin qərarı ilə səlahiyyətləri ləğv edilən Əbülfəz Elçibəy fəaliyyətini Azərbaycan Xalq Cəbhəsi Partiyasının və Bütöv Azərbaycan Birliyinin sədri kimi davam etdirib.

Əbülfəz Elçibəy uzun sürən ağır xəstəlikdən sonra 2000-ci ilin avqustun 22-də Türkiyənin Gülhanə Hərbi Tibbi Akademiyasında dünyasını dəyişib. Əbülfəz Elçibəyin nəşi Bakıya gətirilərək Fəxri xiyabanda dəfn edilib.

Buna da bax...

Lukaşenko: “Dedim beş rayonu qaytarın, lazım olsa Qarabağa qoşun yeridəcəyik”

Belarus prezidenti Aleksandr Lukaşenko bu gün Rusiya mətbuat nümayəndələri ilə görüşü zamanı Rusiya və Belarusun …