Baş səhifə / Cəmiyyət / “Əgər vətəndaş çıxıb desə ki…” – Vaqif Əsədov yanan meydançadan danışdı…

“Əgər vətəndaş çıxıb desə ki…” – Vaqif Əsədov yanan meydançadan danışdı…

Bu gün Bakı şəhəri Nizami rayonu, Mikayıl Əliyev küçəsində yerləşən avtomobil dayanacağında yanğın hadisəsi baş verib. Yanğın nəticəsində 50-ə yaxın avtomobilin yanaraq yararsız hala düşdüyü bildirilir. Yanğın Fövqəladə Hallar Nazirliyinin əməkdaşları tərəfindən söndürülüb.

Məsələylə bağlı Moderator.az -a açıqlamasında Bakı şəhər Dövlət Yol Polisi İdarəsinin Yol Hərəkətinin Təhlükəsizliyinin Təbliği və İctimai qurumlarla əlaqə bölməsinin rəisi, polis polkovniki Vaqif Əsədov bildirib ki, yanğın yaxınlıqdakı zibillikdən meydançaya keçib və yanan avtomobillərin çox da istismara yararsız olub:

Nizami rayonu ərazisində yerləşən müvəqqəti mühafizə duracağının inzibati ərazisinə bitişik olan zibillikdə məlum olmayan səbəbdən yanğın hadisəsi baş verib və sonradan cərimə meydançasına keçib. Həmin ərazidə yol nəqliyyat hadisəsiylə bağlı, sahibi tərəfindən unudulmuş, eyni zamanda istismara tam yararsız olan avtomobillər yanıb. (Dəqiq sayıyla bağlı mənə məlumat verəcəklər). Hal hazırda həmin avtomobillərin kimlərə məxsus olması və sahiblərinə məlumat verilməsi ilə bağlı tərəfimizdən iş aparılır. Çox güman ki, yanan avtomobillərin çoxu istismara tam yararsız avtomobillərdir. Bu avtomobillərin elələri var ki, sahibləri belə onların arxasınca bu günə kimi gəlməyib.

Hal hazırda araşdırma aparılır. Bu avtomobillərin elələri var ki, onların ərazidən götürülməsi üçün dəfələrlə sahiblərinə xəbərdarlıq edilib. Burda yanan avtomobillərin çox yararsız, üst-üstə yığılmış köhnə avtomobillərdir. Əgər vətəndaş çıxıb sizin vasitənizlə desə ki, mənim avtomobilimin rəngi qızıldan, təkərləri isə quş dimdiyindən idi, onda qanunvericilikdə nəzərdə tutulmuş qaydada o məsələlərə baxılacaq. Yanan avtomobillərin sayıyla bağlı araşdırma aparılır. Ötən il bu cür vəziyyətdə olan 600-dən çox avtomobili sahiblərinə verdik. Xahiş etdik ki, avtomobilləriniz yararsızdı və onları çıx-daş etdirin”.

Vasif Əlihüseyn

Buna da bax...

Günə 41 min qazanır – Milyonçu olan Adele

Albom çıxarmayan, konsertlərdən, TV proqramlardan imtina edən ingilis müğənni Adele sərvət qazanır. 30 yaşlı ifaçının …