Baş səhifə / Cəmiyyət / İsrail hərbçiləri 200-dən çox fələstinlini güllələdi –Dünyanın gözü qarşısında açıq soyqırımı…

İsrail hərbçiləri 200-dən çox fələstinlini güllələdi –Dünyanın gözü qarşısında açıq soyqırımı…

Bu ilin martından bəri 160 müsəlman öldürülüb, 16 mini isə yaralanıb…

Dünən- avqustun 3-də , cümə günü Qəzzada növbəti dəfə Böyük Qayıdış Marşı keçirməyə çalışan Fələstin müsəlmanları İsrail hərbçiləri tərəfindən kütləvi şəkildə güllələnib.

Moderator.az-ın Fələstin mediasına istinadla verdiyi xəbərdə deyilir ki, 1 nəfər yerindəcə ölüb, qalanların isə vəziyyəti ölümcüldür.

Fələstin Səhiyyə Nazirliyinin mətbuat katibi Əşrəf əl-Kudranın yaydığı məlumata görə, 25 yaşlı gənc Əhməd Yaqi aldığı partlayıcı güllə yarasından yerindəcə keçinib. 220 fələstinli ağır yaralanıb, onlardan 90-ı daha ağır vəziyyətdədir.

Xəbərdə xatırladılır ki, mart ayından başlamış Böyük Qayıdış Yürüşündə yəhudi əsgərlər tərəfindən azı,160 fələstinli həlak edilib. Onların arasında 20 uşaq, eləcə də qadınlar, tibb işçiləri, jurnalistlər var. Bu müddət ərzində 16 min müsəlman yaralanıb.
Fələstinlilər 70 il öncə -1948-ci ildə ölüm təhdidi altında doğma yurdlarından qovulmuş 1 milyona yaxın ərəbin öz torpaqlarına qayıtması hüququnun bərpa edilməsini və “açıq səma altında həbsxana”nın –Qəzzanın blokadasının aradan qaldırılmasını tələb edirlər.

Sultan Laçın

Buna da bax...

Bloqer “iPhone” almaq üçün bir vanna pul gətirdi – VİDEO

Rusiya vətəndaşı, bloqer Svyatoslav Kovalenko 100 min rubl (2500 manat) dəyərindəki “iPhone XS” telefonunu almaq …