Baş səhifə / Cəmiyyət / Hulusi Kılıç: “Qarabağ uğrunda şəhid olmağa hazıram”

Hulusi Kılıç: “Qarabağ uğrunda şəhid olmağa hazıram”

Azərbaycan mənim ikinci vətənimdir. Qarabağ üçün şəhid olmağa hazıram.

Bunu Türkiyənin Azərbaycandakı sabiq səfiri Hulusi Kılıç Tokat şəhərində ADR-in yaranmasının 100 illiyi münasibəti ilə keçirilən kitab sərgisinin açılışında çıxışı zamanı deyib.

Azərbaycanı Respublika günü münasibətilə təbrik edən sabiq səfir çıxışı zamanı Dağlıq Qarabağ münaqişəsinə də diqqət çəkib və deyib ki, Ermənistan-Türkiyə sərhədini Azərbaycana görə bağlayıblar:

“Dünyada ikinci belə bir ölkə yoxdur ki, digər dövlətə görə öz sərhədini bağlasın. Bu, Türkiyə və Azərbaycanın bir-birinə nə dərəcədə yaxın olmasının sübutudur”.

2008-2012-ci illərdə Türkiyənin Azərbaycandakı səfiri olmuş Kılıç həmişə Azərbaycanın maraqlarının müdafiəsində durmağa və Qarabağa görə canından keçməyə hazır olduğunu bildirib:

“Mən Azərbaycanda beş ilə yaxın səfir vəzifəsində çalışdım, Azərbaycanın dövlət ordeni ilə təltif olunan ilk xarici səfirəm. O baxımdan, mənim üçün Azərbaycan bir vətəndir, candır, mənim ikinci vətənimdir.

Azərbaycan üçün də, Qarabağ üçün də şəhid olmağa hazır olduğumu kameralar önündə söyləmişəm”.

İstinad

Buna da bax...

Bu ölkədə bakirəlik əməliyyatı qadağan olunacaq – MARAQLI

Hollandiya hökuməti tərəfindən edilən açıqlamada estetik cərrah mütəxəssislərinə bakirəlik əməliyyatı etmələrinə son vermək üçün 1 …