Baş səhifə / Cəmiyyət / “Quli” soyadını dəyişib – artıq o, Səlifov deyil

“Quli” soyadını dəyişib – artıq o, Səlifov deyil

Bu ayın 8-də İstanbulda saxlanılmış, 18-də azad edilmiş, 22-də isə yenidən tutuqlanmış “Lotu Quli” ləqəbli kriminal avtoritet Nadir Səlifovun barəsində yeni məlumatlar var.

Moderator24.com xəbər verir ki, bu barədə Musavat.com-a Türkiyədə yaşayan etibarlı mənbə məlumat verib.

Bildirilib ki, “Lotu Quli” İstanbula yerləşdikdən sonra rəsmi qaydada soyadını dəyişməklə yeni sənədlər əldə edib. Yeni sənədində o, soyadını “İsmayılov” kimi qeyd etdirib.

22,5 il Azərbaycanda həbsdə yatmış, barəsində minlərlə yazı yazılmış “Lotu Quli”nin bu addımı atmasının səbəbi, güman ki, beynəlxalq marşrutlarda hərəkət edərkən, bir ölkədən başqa ölkəyə keçərkən sərhədlərdə problem yaşamamasını istəməsi üzündən olub.

Nadir İsmayılovun sənədindəki bu yenilik onun oktyabrın 18-də İstanbul 2-ci sülh-cəza məhkəməsində aparılan mühakiməsi zamanı bəlli olub.

Onun məhkəməyə verdiyi ərizədə ad-soyadı “Nadir İsmayılov” kimi qeyd olunub. Nadir İsmayılovun vəkili Emin Canacankatan müvəkkilinin dərhal azad edilməsi üçün ərizə verib və ayın 18-də N.İsmayılov sərbəst buraxılıb.

N.İsmayılovun oktyabrın 22-də yenidən saxlanılmasının səbəbi bilinmir.

Ancaq böyük ehtimalla bu, əvvəlki ittihamlarla bağlıdır.

Buna da bax...

Bu ölkədə bakirəlik əməliyyatı qadağan olunacaq – MARAQLI

Hollandiya hökuməti tərəfindən edilən açıqlamada estetik cərrah mütəxəssislərinə bakirəlik əməliyyatı etmələrinə son vermək üçün 1 …