Baş səhifə / Dünya / Tramp göstəriş verdi: Fətullah Gülən Türkiyəyə ekstradisiya edilsin

Tramp göstəriş verdi: Fətullah Gülən Türkiyəyə ekstradisiya edilsin

ABŞ prezidenti Donald Tramp Federal Təhqiqat Bürosuna (FBİ) Fətullah Gülənin Türkiyəyə təhvil verilməsinin qanuni yollarının tapılması üçün göstəriş verib. Virtualaz.org xəbər verir ki, bu barədə “NBC News” məlumat yayıb.

Mənbə qeyd edir ki, Tramp Türkiyədə dövlət çevrilişi cəhdində ittiham edilmiş və barəsində qiyabi həbs qərarı verilmiş Gülənin ekstradisiyası fikrinə Səudiyyəli jurnalist Camal Xaşoginin qətlindən sonra baş vermiş hadisələr fonunda gəlib.

“NBC News” əlavə edir ki, Trampın bu qərarı onun ABŞ-dakı əleyhdarları tərəfindən hiddətlə qarşılanıb.

Bildirildiyinə görə, Tramp administrasiyası və Türkiyə tərəfi Gülənin Türkiyəyə ekstradisiyası baş tutmayacağı təqdirdə onun Cənubi Afrika Respublikasına göndərilməsi barədə danışıqlar da aparıblar. Sonuncu varianta əl atılarsa, mənbə iddia edir ki, bu addımı Fətullah Gülənin şəxsi istəyi ilə atdığı vurğulanacaq.

Bəzi şərhçilərin fikrincə, ABŞ-ın Güləni ekstradisiya etmək qərarının əsas səbəbi Xaşogi cinayətindən sonra Türkiyənin Səudiyyə Ərəbistanına təzyiqlərini yumşaltmaq istəyidir.

Buna da bax...

Azərbaycanda bu nazirlər vəzifəsi ilə vidalaşdı

Geridə qoymaqda olduğumuz bu il əhəmiyyətli və səs-küylü hadisələrlə yadda qaldı. 2018-ci ildə Azərbaycanda baş …