Baş səhifə / Cəmiyyət / Prezident seçkiləri ilə bağlı Konstitusiya ilə Seçki Məcəlləsi arasındakı ziddiyyət aradan qaldırılıb

Prezident seçkiləri ilə bağlı Konstitusiya ilə Seçki Məcəlləsi arasındakı ziddiyyət aradan qaldırılıb

Milli Məclis prezident seçkiləri ilə bağlı Azərbaycan Konstitusiyası ilə Seçki Məcəlləsi arasında yaranan ziddiyyətin aradan qaldırılmasını nəzərdə tutan layihəni təsdiqləyib.

Bununla bağlı Seçki Məcəlləsinə edilən dəyişiklik layihəsi parlamentin bu gün keçirilən plenar iclasında müzakirə edilib.

Prezident İlham Əliyevin imzası ilə Milli Məclisə daxil olan qanunvericilik layihəsində qeyd edilib ki, Konstutisiyanın 101-ci maddəsinin I hissəsi, 105-ci maddəsinin I hissəsi və Seçki Məcəlləsinin 178.1-ci maddəsi arasında ziddiyyət mövcuddur.

Belə ki, növbədənkənar Prezident seçkilərində seçilmiş Prezidentin səlahiyyət müddəti oktyabr ayında deyil, 7 il əvvəl Prezident seçildiyi ayda bitir.

Ziddiyyətin aradan qaldırılması məqsədi ilə Seçki Məcəlləsində 178.1-ci maddənin yeni redaksiyada verilməsi təklif edilib. Təklifə əsasən, Seçki Məcəlləsinin 179.2-ci maddəsində müəyyən edilmiş qaydada seçkilərin təyin olunması halları istisna olmaqla, 7 il əvvəl keçirilən Prezident seçkilərində Prezidentin seçildiyi səsvermənin keçirildiyi ayın ikinci həftəsinin çərşənbə gününə Prezident seçkiləri təyin olunur (indiki halda növbəti Prezident seçkiləri 9 aprel 2025-ci ildə təyin olunmalıdır).

Xatırladaq ki, 2018-ci il aprelin 11-də keçirilən Prezident seçkilərində İlham Əliyev 7 il müddətinə Azərbaycan Respublikasının Prezidenti seçilib.

Layihə müzakirə edildikdən sonra səsverməyə çıxarılaraq qəbul olunub.

İstinad

Buna da bax...

Azərin Milli Qəhrəmanımızı təhqir edən məxluqa cavab verdi…

Əməkdar artist Azərin də Azərbaycanın Milli Qəhrəmanı Mübariz İbrahimovla bağlı psixoloq Nərmin Şahmarzadənin səsləndirdiyi qalmaqallı …